Бас нэг гайхамшиг ...

Та нартаа нэгэн сонирхолтой бөгөөд гайхалтай зүйлийг хуваалцмаар санагдаад. Магадгүй зарим нь намайг мэдэх байх 2 хүүхэдтэй байсаныг. Ямар ч байсан аав хүний жаргалыг, эцэг хүний үүрэг хариуцлагыг зах зухаас нь мэдэрч эхэлж байгаа юмаа. Тэгээд залуу хосууд болон залуу гэр бүл болон найз нөхөддөө энэ агуу Ертөнцийн Эзэний бүтээлийн талаар хуваалцъя гэж бодоод.

Энэ зураг бол эр бэлгийн хэдэн сая эсний нэг өндгөн эсрүү явж байгаа байдал. Эрчүүдээ, Та өөрийгөө хамгийн азтай бас лаг нь гэж мэдэх үү? Яагаад гэхээр энэ хэдэн зуун сая эс дундаас та түрүүлсэн учраас та өнөөдөр байгаамдаа. Магадгүй та дийлээгүй ялаагүй бол хэн нэгэн таны оронд байх байсан ч юм билүү. хэхэ

Энэ зурган дээр таван долоо хоногтой ураг 1 см болсон, зүрх, элэг нь тодорхой харагдана. Гар хуруунууд нь одоохондоо бөмбөлөг хэвээрээ. Та нар боддоо энэ жижигхэн урагын зүрх цохилоод элэгтэй болсон гэж байгаа бид тэгэхэд дөнгөж 1 2 сартай хүүхдийг зарим хүмүүс бас эмч нар зүгээр л нэг нөж гэж хэлдэг муухай байгаа биз.

6 дахь долоо хоногоос ураг маш хурдацтай өснө. Зүрх нь эхнийхэс 2 дахин цохилж эхлэх бөгөөд минутанд 140-150 цохилж нярайн хүйсээр цус шахагдана.

Ураг 10-11 долоо хоногтойдоо 4 см өндөр болж, хуруунууд нь тодорч эхэлсэн байна. Хүйгээр дамжуулан эхээсээ тэжээл авч илүүдлийг эхийн цусны эргэлтэнд буцаадаг.

Урагын эдүүд өдөр бүл улам төлжиж шинэ эрхтэнийг үүсгэхэд оролцож, ясны эргэн тойронд цусны судсууд тархаж эхэлнэ. Ихэсийн шингэн бага байвал ураг цохилт доргионд үхэж болно. Их байвал ураг хөгжиж чадахгүй жижиг хэвээрээ үлддэг.

4-5 сартайдаа бүх эд эрхтнүүд үүсэх бөгөөд гайхамшигтай зохицуулалттай байна. Зарим хөдөлгөөнүүдээр эрхтнүүдийн эрүүл байгаа эсэх нь мэдэгдэнэ.

18 долоо хоногтой ураг 24 см өндөр болж эхийн хэвлий дэх амьдралынхаа хагасыг өнгөрүүлсэн, төрөх үеийн өндрийнхөө талд хүрсэн байна.

Удалгүй энэ бяцхан ураг эхийн хэвлийгээс өөрийн хүссэн цагтаа гарах болно. Олон хүмүүс бас эмч нар төрөх цагаасаа эрт төрсөн эсвэл оройтсон гэж ярих ч энэ нь тийм биш тэр бяцхан хүү/охин хэзээ төрөхөө өөрөө л шийддэг. Миний 2 дахь хүүхэд Номинг төрөхөд сав нь хагараагүй мөртлөө аймар өвдөөд бид 2 яахаа мэдэхгүй нэлээн юм болсон. Бие биенийхээ гараас бариад өрөөнүүдийн хооронд яваад энэ нь яг тус болсон. Удалгүй охины маань толгой цухуйгаад дараагийн дүлэлтээр толгой нь бүхэлдээ ууттайгаа гараад ирсэн уут нь хагараагүй хэвээрээ сонин байгаа биз. Харин дараагийн дүлэлтээр бие нь бүхэлдээ гарч ирсэн. Тэгээд л миний үзэсгэлэнт гүнж энэ хорвоо дээр мэндэлсэн юм даа. Одоо 8 сартай. Хайрлахгүй байхын аргагүй.

Үнэндээ би өөрөө их айдаг байсан. Хүүхэдтэй болоод одоо яанаа. (орон байр, мөнгө санхүү ...) Бас нэг хэцүү юм маань миний 2 дахь хүүхэд байсан. Тэгээд дээрээс нь би хүмүүсийн хэлдэгээр хар нялхаараа амьтан шүү дээ гэж боддог байсан. Гэхдээ би яагаад энэ бүхнийхээ хариуцлагаас зугатаах ёстой вэ?. Тийм учраас миний хийх ёстой л зүйлийн нэг юм байна гэж бодож байсан. Харин одоо бол миний бодол шал ондоо болсон. Ертөнцийн Эзэн надад өгөх юм бол би тосоод л авна. Библи дээр хүүхэд бидний медаль(шагнал) гэж байдаг. Зүгээр нэг хүнд медал өгдөггүй биз дээ. Тийм учраас би итгэдэг. Ертөнцийн Эзэн намайг шагнаж байгаа гэдэгт. Та ч гэсэн магадгүй хүүхэдтэй болох юм бол энэ зүгээр нэг байдаг л зүйл биш шүү. Таныг шагнаж байгаа юм. Хэн ч шагнал авахаасаа татгалзахгүй биздээ. Би л лав тэгэж итгэж байна.